ਗਿਰਦਾਵਰੀ ਕੀ ਹੈ ? ਗਿਰਦਾਵਰੀ ਬਾਰੇ ? #21

ਹਾਜੀ ਸਵਾਗਤ ਹੈ ਜੀ ਤੁਹਾਡਾ khatran lsik youtube ਚੈਨਲ ਦੇ ਵਿੱਚ ਜਿੱਥੇ ਤੁਸੀ ਬਹੁਤ ਕੁਝ ਆਪਣੀ ਮਾ ਬੋਲੀ ਪੰਜਾਬੀ ਦੇ ਵਿੱਚ ਸਿੱਖ ਸਕਦੇ ਹੋ
ਅੱਜ ਅਸੀ ਤੁਹਾਨੂੰ ਦੱਸਾਂਗੇ
ਗਿਰਦਾਵਰੀ ਬਾਰੇ-
ਪੰਜਾਬ ਵਿੱਚ ਗਿਰਦਾਵਰੀ ਆਮ ਤੌਰ ਤੇ ਦੋ ਬਾਰ ਕੀਤੀ ਜਾਦੀ ਹੈ।
ਗਿਰਦਾਵਰੀ ਦਾ ਮਤਲਬ ਪਟਵਾਰੀ ਹਲਕਾ ਵੱਲੋ ਹਰ ਖੇਤ ਵਿੱਚ ਜਾ ਕੇ ਫਸਲ ਦਾ ਮੁਆਇਨਾ ਕਰਨਾ ਹੁੰਦਾ ਹੈ।
ਗਿਰਦਾਵਰੀ ਵਾਲੇ ਦਿਨ ਪਟਵਾਰੀ ਹਲਕਾ ਪਿੰਡ ਦੇ ਨੰਬਰਦਾਰ,ਚੌਕੀਦਾਰ,ਪੰਚਾਇਤ ਅਤੇ ਮਾਲਕਾ ਅਤੇ ਕਾਸ਼ਤਕਾਰਾਂ ਨੂੰ ਨਾਲ ਲੈ ਕੇ ਫਸਲਾ ਦਾ ਮੁਆਇਨਾ ਕਰਦਾ ਹੈ ਅਤੇ ਆਪਣੇ ਰਜਿਸਟਰ ਵਿੱਚ ਫਸਲ ਅਧੀਨ ਰਕਬਾ ਦਰਜ ਕਰਦਾ ਹੈ।
ਗਿਰਦਾਵਰੀ ਦਾ ਤਰੀਕਾ- ਪੰਜਾਬ ਲੈਡ ਰਿਕਾਰਡ ਮੈਨੂਅਲ ਪੈਰਾ 9.9 ਅਨੁਸਾਰ ਗਿਰਦਾਵਰੀ ਸ਼ੁਰੂ ਕਰਨ ਤੋ ਪਹਿਲਾ ਪਟਵਾਰੀ ਦਾ ਮੁੱਖ ਕੰਮ ਹੈ ਕਿ ਉਹ ਪਿੰਡ ਤੇ ਸਰਪੰਚ ਅਤੇ ਨੰਬਰਦਾਰ ਨੂੰ ਫਰਦ ਰਫਤਾਰ ਗਿਰਦਾਵਰੀ ਦੇਵੇ
(ਇੱਥੇ ਫਰਦ ਰਫਤਾਰ ਤੋ ਭਾਵ ਹੈ- ਕਿਸੇ ਪਿੰਡ ਵਿੱਚ ਫਸਲਾ ਦੀ ਗਿਰਦਾਵਰੀ ਕਰਨ ਦਾ ਤਾਰੀਖਵਾਰ ਵੇਰਵਾ)
ਗਿਰਦਾਵਰੀ ਸ਼ੁਰੂ ਕਰਨ ਤੋ ਪਹਿਲਾ ਇਸ ਬਾਰੇ ਮੁਸ਼ਤਰੀ ਮੁਨਾਦੀ ਵੀ ਕਰਵਾਉਣੀ ਹੁੰਦੀ ਹੈ।ਇਸ ਸੰਬੰਧੀ ਉਹ ਰੋਜਨਾਮਚੇ ਵਿੱਚ ਰਿਪੋਰਟ ਦਰਜ ਕਰਦਾ ਹੈ ਅਤੇ ਮੌਕੇ ਅਨੁਸਾਰ ਰਜਿਸਟਰ ਗਿਰਦਾਵਰੀ ਵਿੱਚ ਇੰਦਰਾਜ ਕਰਦਾ ਹੈ
ਭੌ ਮਾਲਕਾ ਕਾਸ਼ਤਕਾਰਾਂ} ਨੂੰ ਵੀ ਚਾਹੀਦਾ ਹੈ ਕਿ ਪਟਵਾਰੀ ਨੂੰ ਇਸ ਕੰਮ ਵਿੱਚ ਪੂਰਨ ਸਹਿਯੋਗ ਦੇਣ।ਇਸ ਪੈਰੇ ਅਨੁਸਾਰ ਪਟਵਾਰੀ ਨੂੰ ਗਿਰਦਾਵਰੀ ਦੇ ਵਿਚ ਤਬਦੀਲੀ ਕਰਨ ਦਾ ਕੋਈ   
ਅਧਿਕਾਰ ਨਹੀਂ ਹੈ ਪਟਵਾਰੀ ਸਿਰਫ ਉਸ ਹਾਲਤ ਵਿੱਚ ਹੀ ਗਿਰਦਾਵਰੀ ਇੱਕ  ਵਿਅਕਤੀ ਤੋ ਦੂਜੇ ਵਿਅਕਤੀ ਦੇ ਨਾਮ ਤਬਦੀਲ ਕਰ ਸਕਦਾ ਹੈ ਜਦੋ ਦੋਨੇ ਧਿਰਾਂ ਰਜਾਮੰਦ ਹੋਣ ।
ਜਦੋ ਗਿਰਦਾਵਰੀ ਸਬੰਧੀ ਕੋਈ ਝਗੜਾ ਹੋਵੇ ਤਾ ਪਟਵਾਰੀ
ਨੂੰ ਇਹ ਕੋਈ ਅਧਿਕਾਰ ਨਹੀ ਕਿ ਉਹ ਉਸ ਵਿੱਚ ਕੋਈ ਤਬਦੀਲੀ ਕਰੇ ਅਜਿਹੀ ਹਾਲਤ ਵਿੱਚ ਪਟਵਾਰੀ ਹਲਕਾ ਨੇ ਝਗੜੇ ਵਾਲੇ ਨੰਬਰਾ ਦਾ ਹਵਾਲਾ ਦੇ ਕੇ ਆਪਣੇ ਉੱਚ ਅਧਿਕਾਰੀਆਂ ਨੂੰ ਉਸ ਸਬੰਧੀ ਰਿਪੋਰਟ ਕਰਨੀ ਹੁੰਦੀ ਹੈ
ਜਦੋ ਗਿਰਦਾਵਰੀ ਵਿੱਚ ਕਬਜੇ ਬਾਰੇ ਦਰੁਸਤੀ ਕਰਵਾਉਣੀ ਹੋਵੇ ਤਾ ਹਲਕਾ ਅਧਿਕਾਰੀ ਨੂੰ ਦਰੁਸਤੀ ਗਿਰਦਾਵਰੀ ਬਾਰੇ ਸਬੰਧਤ ਵਿਅਕਤੀ ਸਵਾ ਰੁਪਏ ਦੀ ਕੋਰਟ ਫੀਸ ਲਾ ਕੇ ਦਰਖਾਸਤ ਦੇਵੇ ਜਿਸ ਨਾਲ ਗਿਰਦਾਵਰੀ ਦੀ ਫਰਦ ਸ਼ਾਮਲ ਕੀਤੀ ਜਾਂਦੀ ਹੈ। ਹਲਕਾ ਮਾਲ ਅਧਿਕਾਰੀ ਵਲੋ ਕੀਤੇ ਗਏ ਫੈਸਲੇ ਅਨੁਸਾਰ ਪਟਵਾਰੀ ਵਲੋ ਰਿਕਾਰਡ ਵਿੱਚ ਦਰੁਸਤੀ ਕਰ ਦਿੱਤੀ ਜਾਦੀ ਹੈ।
ਗਿਰਦਾਵਰੀ ਦੀਆ ਮੁੱਖ ਕਿਸਮਾ-
1.ਸਾਉਣੀ ਦੀ ਗਿਰਦਾਵਰੀ
2.ਹਾੜੀ ਦੀ ਗਿਰਦਾਵਰੀ
3.ਜਾਇਦ ਖਰੀਫ
1.ਸਾਉਣੀ ਦੀ ਗਿਰਦਾਵਰੀ-ਸਾਉਣੀ ਦੀ ਗਿਰਦਾਵਰੀ ਨੂੰ ਖਰੀਫ ਫਸਲ ਦੀ ਗਿਰਦਾਵਰੀ ਕਿਹਾ ਜਾਦਾ ਹੈ। ਪਟਵਾਰੀ
ਹਲਕਾ ਵਲੋ ਹਰ ਸਾਲ ਇੱਕ ਅਕਤੂਬਰ ਤੋ 31ਅਕਤੂਬਰ ਤੱਕ ਸਾਉਣੀ ਦੀ ਗਿਰਦਾਵਰੀ ਕੀਤੀ ਜਾਦੀ ਹੈ
ਪਟਵਾਰੀ ਹਲਕਾ ਮੌਕੇ ਤੇ ਜਾ ਕੇ ਫਸਲਾ ਦਾ ਮੁਆਇਨਾ ਕਰਦਾ ਹੈ। ਸਾਉਣੀ ਦੀਆਂ ਮੁੱਖ ਫਸਲਾ ਵਿੱਚ ਝੋਨਾ,ਮੱਕੀ,ਬਾਜਰਾ,ਜਵਾਰ,ਕਮਾਦ,ਕਪਾਹ,ਨਰਮਾ ਅਤੇ ਅਤੇ ਚਰੀ ਚਾਰਾ ਆਦਿ ਹੁੰਦੀਆ ਹਨ
2.ਹਾੜੀ ਦੀ ਗਿਰਦਾਵਰੀ -ਹਾੜੀ ਦੀ ਗਿਰਦਾਵਰੀ ਨੂੰ ਰਬੀ ਦੀ ਫਸਲ ਕਹਿੰਦੇ ਹਨ। ਹਾੜ੍ਹੀ ਦੀ ਗਿਰਦਾਵਰੀ 1 ਮਾਰਚ ਤੋ 31 ਮਾਰਚ ਤੱਕ ਕੀਤੀ ਜਾਦੀ ਹੈ। ਹਾੜ੍ਹੀ ਦੀਆ ਮੁੱਖ ਫਸਲਾ ਕਣਕ ,ਜੌ,ਛੋਲੋ,ਸਰੋਂ,ਮਟਰ,ਬਰਸੀਨ,ਚਾਰਾ ਅਤੇ ਜਵੀ ਚਾਰਾ ਆਦਿ ਹਨ।
3 ਜਾਇਦ ਖਰੀਫ-ਸਾਉਣੀ ਦੀ ਫਜਲ ਤੋ ਬਾਅਦ 16 ਤੋ 31 ਦਸੰਬਰ ਤੱਕ ਦੀ ਗਿਰਦਾਵਰੀ ਨੂੰ ਜਾਇਦ ਖਰੀਫ ਕਿਹਾ ਜਾਦਾ ਹੈ। ਇਸ ਦੀਆ ਫਸਲਾ ਤੋਰੀਆ, ਆਲੂ ਆਦਿ ਹਨ
ਅੱਜ ਦਾ ਵਿਚਾਰ-ਉਹਨਾਂ ਚੀਜਾਂ ਬਾਰੇ ਕਦੇ ਸ਼ਿਕਵਾ ਨਾ ਕਰੋ ਜੋ ਤੁਹਾਨੂੰ ਤੁਹਾਡੇ ਮਾਤਾ ਪਿਤਾ ਨਹੀ ਦੇ ਸਕੇ ਕਿਉਂਕਿ ਉਹ ਪਹਿਲਾਂ ਹੀ ਤੁਹਾਨੂੰ ਆਪਣੀ ਪਹੁੰਚ ਤੋ ਵੱਧ ਦੇ ਚੁੱਕੇ ਹਨ
ਅੱਜ ਦਾ ਜੋਕ-ਕੰਜੂਸ (ਆਪਣੇ ਦੋਸਤ ਨੂੰ), ”ਯਾਰ, ਮੇਰੇ ਲੜਕੇ ਨੇ ਤਾਂ ਕਮਾਲ ਕਰ ਦਿੱਤਾ। ਮੈਂ ਉਸਨੂੰ ਦੋ-ਦੋ ਪੌੜੀਆਂ ਚੜ੍ਹ ਕੇ ਉਤਰਨ ਨੂੰ ਕਿਹਾ ਸੀ ਤਾਂ ਕਿ ਜੁੱਤੀਆਂ ਘੱਟ ਘਿਸਣ ਪਰ ਨਾਲਾਇਕ ਨੇ ਛੇ-ਛੇ ਪੌੜੀਆਂ ਪਾਰ ਕੀਤੀਆਂ।”

ਦੋਸਤ, ”ਇਹ ਤਾਂ ਚੰਗਾ ਹੋਇਆ। ਜੁੱਤੀਆਂ ਹੋਰ ਵੀ ਘੱਟ ਘਿਸੀਆਂ ਹੋਣਗੀਆਂ।”
ਕੰਜੂਸ, ”ਜੁੱਤੀਆਂ ਤਾਂ ਘੱਟ ਘਿਸੀਆਂ ਪਰ ਨਾਲਾਇਕ ਨੇ ਨਵੀਂ ਪੈਂਟ ਪਾੜ ਲਈ।”
ਹੋਰ ਵਧੀਆ ਵੀਡੀਓਸ ਲਈ ਸਬਸਕਰਾਇਬ ਜਰੂਰ ਕਰੋ
youtube.com/khatranlsik
ਫੇਸਬੁਕ ਪੇਜ
facebook.com/khatranlsik
ਵੈੱਬ/ਬਲਾੱਗ
www.khatranlsik.blogspot.com
ਹੋਰ ਜਾਣਕਾਰੀ ਲਈ ਨੀਚੇ ਦਿੱਤੀ ਵੀਡੀਓ ਦੇਖੋ-